FIFPRO World XI
FIFA-in kum dang ang bawkin khawvela player ṭha thlan khawm 11 a rem khawm a, kum 2016-a FIFPRO World XI nena a danglama chu player pathum chiah a ni. Juventus goalkeeper Gianluigi Buffon chuan Manuel Neuer a nek chhuak a, Barcelona defender Gerard Pique aiah AC Milan defender thar Leonardo Bonucci lutin PSG forward Neymar chuan Barcelona tana a khelhpui ṭhin Luis Suarez a nek chhuak bawk.
FIFPRO World XI hi 4-3-3 formation hmanga remkhawm niin Real Madrid chuan player an thawh hnem ber a, player panga lai World XI-ah an nei thei. Real tan hian player chhuanvawr Ronaldo bakah midfielder pahnih Luka Modric leh Toni Kroos, defender pahnih Sergio Ramos leh Marcelo an tel.
Barcelona-in kum dang an phak lo a, player pahnih chiah an thawh. Tlarhmaa Messi bakah Catalan club hian midfielder Andres Iniesta an thawh tel a, Barca player dang lang an awm lo. PSG-in player pahnih Dani Alves leh Neymar an thawh a, chutihrualin player pahnih hi an club khelhna hlui tana an khelh ṭhat vanga lang an ni - season hmasa khan Alves hi Juventus tan a khel a, Neymar hian Barca tan a la khel thung.
Juventus aṭangin goalkeeper chhuanvawr Gianluigi Buffon a lang a, AC Milan aṭanga lang Leonardo Bonucci pawh hi Juventus tan season hmasa a chet ṭhat vanga lang a ni - Premier League club-in player thawh an nei miah lo!
World XI Chu:
Goalkeeper : Gianluigi Buffon (Juventus)
Defenders : Dani Alves (PSG), Leonardo Bonucci (AC Milan), Sergio Ramos (Real Madrid). Marcelo (Real Madrid)
Midfielders : Luka Modric (Real Madrid), Toni Kroos (Real Madrid, Andres Iniesta (Barcelona)
Forwards : Neymar (PSG), Cristiano Ronaldo (Real Madrid), Lionel Messi (Barcelona).