Rawlthar duhawm ber Mbappe
Kylian Mbappe chu Europe rawlthar zinga football thiam ber atan thlan a ni. French rawlthar hian Manchester United forward Marcus Rashford leh Barcelona player thar Ousmane Dembele te khumin he chawimawina hi a dawng.
Kum 18 mi Mbappe hian season hmasa khan Champions League-ah goal ruk khungin AS Monaco chu semifinal a hruai thleng a, Ligue 1 champion an nih theih nan goal 15 a khung bawk. Nipui transfer lai khan Mbappe hian Monaco aṭangin loan hmangin Paris Saint-Germain a zawm a, PSG tan hian match 11 khelin goal li a khung bakah assist ṭum li a nei bawk.
Golden Boy award hi Italian sports newspaper Tuttosport-in kum 2003 aṭanga an thlan ṭan kha a ni a, kum 21 hnuai lam European player ṭha bik tana siam a ni. France player zingah tun hma lamin Paul Pogba leh Anthony Martial te pawhin he chawimawina hi an lo dawng tawh bawk a ni.
Golden Boy Top 10
# Player Club
1 Kylian Mbappe PSG
2 Ousmane Dembele Barcelona
3 Marcus Rashford Manchester United
4 Gabriel Jesus Manchester City
5 Gianluigi Donnarumma Milan
6 Christian Pulisic Borussia Dortmund
7 Kasper Dolberg Ajax
8 Emre Mor Celta Vigo
9 Federico Chiesa Fiorentina
10 Rodrigo Bentancur Juventus