Zidane aia coach ṭha an awm lo

Real-in season hman zawh takah La Liga leh Champions League nomawi an chawi kawp a, coach Zinedine Zidane-a thawhrimna hmuh hmaih theih a ni lo - French ma­na­ger hi coach ṭha bera thlan a ni. Zidane hian Real hi league nomawi a chawipui a ni satliah lo a, kum 2012 hnua a vawi khat nan La Liga-ah a champion pui. Cham­pions League-a an champion khan a zawna an champion-na chiah a ni bawk.

Zidane (46.22% vote) hian he chawi­­­mawina dawng tur hian Premier League-a a season khat­naa champion nghal thei Chelsea manager Antonio Conte (11.62%) leh Serie A leh Coppa Italia-a Juventus cham­pion puitu Mas­similiano Allegri (8.78%) te a khum.