Neymar-a'n referee a dem

Khawvela footballer manto ber Neymar chuan Marseille nen an inhenhtawk ṭuma hnawhchhuah a nih chungchangah inkhel thununtu referee chu a hna thawk ṭha tawk loah a puh.

Pathianni zana Paris Saint-Germain leh Marseille te intawn ṭum hian Neymar hian foul a tuar hnem a, fans lam aṭangin nasa takin an auel bawk. Hun tawp dawn lamah Neymar hi yellow card vawi hnih hmuh vanga hnawh chhuah a ni.

Barcelona forward hlui Neymar chuan, "Marseille boruak che vel khan match referee kha a tibuai niin ka hria. Na tak takin beih ka tawk fo a, card hmuh lohna tura ka ngaihah mi pe leh bawk si," tiin a sawi.

PSG coach Unai Emery pawhin khelmual chhungah player langsar leh thiam bikte chu venhim an ngaih thu a lo sawi tawh a, referee-ten player langsarte chu duat thiam se a duh.