Giggs-a'n team enkawl tur a ngaihven

Manchester United leh Wales legend Ryan Giggs chuan manager hna thawh a duh a, manager nghet nei loa awm mek Leicester leh Everton te chu a ngaihven a ni.

Kum 43 mi Giggs hi Louis van Gaal hnaiah Manchester United-ah khan assistant manager a ni ṭhin a, nikum khan Swansea manager ni turin a interview tawh bawk.

Giggs chuan, "Leicester hi kum hnih liam ta maia Premier League champion kha an ni a, Everton hi club ropui tak leh sulhnu ṭha tak nei an ni bawk. Heng club pahnih te hi enkawl thei ni ila hna thlanawm tak a ni ang," tiin a sawi.

Premier League match khel hnem pahnihna Giggs hian player a nih laiin Manchester United tan chiah a khel a, league match 672 khelin goal 114 a khung. Nikum July thla khan kum 29 chhung a lo chenchilh tawh United nen an thawhdunna a ti tawp a, tun thleng hian hna nghet nei loin a awm rih a ni.