NE Olympic atan inelna 18

India hmarchhak state hrang hrangte infiamna hmanga inelna tur - North East Olympic Games atan Mizoram a inbuatsaih. Nimin khan Mizoram Olympic Association (MOA) chuan inbuatsaihna tur an sawi ho.

Sports & Youth Services secretary Dr Lalrozama leh Sports & Youth Services director K. Lalrohlua ten MOA inhmuhkhawm hi an tel puiin, an ruahman dan chuan, November 10-16 chhunga Shillong-a neih tur NE Olympic Games-ah hian Mizoram hi infiamna peng hrang 18-ah an inlan ang.

MOA hian National Games neih zawh taka Mizoram dinhmun an thlir ho bawk a, hmasawn ngaihna lai hrang hrang an sawi. NE Olympic-ah chuan medal tam zawk lak a nih theih nan infiamna peng hrang hrangin inbuatsaihna an nei chho mek a ni.

National Games 2022 neih zawh takah khan Mizoramin gold medal leh silver medal pakhat ve ve, bronze medal pahnih - a vaiin medal pali an la. Medal la thei zingah 28-na dinhmun an luah.