Thenzawlah football a nung hle

Thenzawl Zone Football Association (TZFA) buatsaih MLA CUP 2022 chu Thawhṭanni khan khelh zawh a ni a, inkhel hi khuain a thim hnan. Final inkhel hmuhnawmah Thenzawl West VC Team an champion.

Loṭhazawl Football Ground-a final khelhah Thenzawl East leh Thenzawl West te 2-2 in an inhnehtawk a, extra time khelh zawh a nih hnuah pawh team pahnih an inhnehtawk. Penalty shootout hmanga chak zawk zawn niin, West hi 5-3 in an vannei ta zawk a ni.

Serchhip Assembly bial chhung infiammite tana buatsaih - MLA Cup 2022 hi October 3 aṭanga khelh niin, Serchhip aṭangin team pathum, Thenzawl aṭangin team pali bakah Buangpui, Neihloh leh Kanghmun South aṭangin team pakhat ṭheuh an tel.

Tourtnament hi bialtu MLA Lalduhoma'n MLA Fund hmanga a siam niin, veteran inelna lamah Vengthlang VFC chuan Buangpui hnehin an champion ve bawk. Champion hian Rs 7,000 dawngin pahninhna tan Rs. 4000 a ni thung.