Australia ODI captain Cummins

Australia chuan ODI captain atan fast bowler Pat Cummins an ruat a, Aussies tan ODI captain 27-na a ni. Cummins hi Test match-ah pawh captain a ni sa a, thla liam taa ODI aṭanga chawl Aaron Finch a thlak ang.

Finch hi Australia T20 captain a ni chhunzawm dawn a, T20 World Cup-ah pawh inelna thlengtu innghahna tur a la ni. Cummins hian nakkuma India rama neih tur ODI World Cup-ah Aussies captain hna a chelh ang.

Cummins chuan, "Finch-a hmunruak zau tak hnawhkhah a harsa dawn. Finch hnuaia khelh kha nuam ka ti a, a kaihhruaina hnuaiah thil tam tak ka zir a ni," tiin a sawi. November 17 aṭangin Australia hian England nen ODI series an khel dawn a, Cummins hian captain hna a chelh ṭan ang.