SC-ah border fencing report thehlut dawn

India-Bangladesh border fencing kalpui mek chungchanga report chu Supreme Court-ah thehluh a ni dawn.

Apex court chuan SC-a report thehlut tur hian Thawhṭani khan thupek a tichhuak a, member pathum awmna Supervisory Committee chuan report hi an thehlut dawn a ni. Committee hi IAS officer hlui A.K. Mangotra chuan a ho a, Meghalaya, Mizoram, Assam leh Tripura-a border fencing kalpui dan an vil a ni. Tripura Home Deparment chuan Supervisory Committee-te'n Supreme Court-a report an thehluh tur thu hi a tarlang a, harsatna hrang hrang awmte pawh thehluh a nih tur thu a sawi.

Thawhṭanni khan committee member-te leh, Border Security Force official-te chuan border area - Sabroom, Belonia (Southern Tripura) leh Sonamura (Western Tripura) te an tlawh a, ramri hung kalpui mek hi a hmunah an enfiah a ni. He hunah hian South Tripura District Magistrate pawh a tel a ni.

India chuan kum 1974 khan Bangladesh sorkar chu Land Boundary Agreement a lo ziahpui tawh a, ramri hung chungchangah pawh hian inremna an lo siam tawh a ni. State panga - West Bengal (2,216 km), Tripura (856 km), Meghalaya (443 km), Mizoram (318 km) leh Assam (263 km)-te chuan Bangladesh hi an ri a ni.