Gianluigi Buffon a chawl dawn

Gianluigi Buffon chuan tun season tawpah football a chawlhsan tur thu a sawi. Italy leh Juventus goalkeeper hian season tawp hnua a inkhelh leh theih dan awmchhun chu Champions League nomawi an chawi chauhin a nih thu a sawi chhuak.

Kum 39 mi Buffon hian nakkum FIFA World Cup khelh a la inbeisei a, final-a vawi hnih a chak loh tawhna Champions League an chawi a nih chuan Juve tan contract a pawtsei mai thei.

Parma aṭanga Juven­tus zawmtu Buffon chuan, "Ka hun tawn leh champion tawhna hnua sulhnu chhui let tur chuan kum hnih dang vel inkhelh chhunzawm leh ka tum tawh hran lo, Champions League kan champion a nih erawh chuan ka la dai ngai loh Club World Cup khelh chu ka duh ang," tiin a sawi.

Turin club tana match 633 khel tawh Buffon hian ram tan FIFA World Cup 2006 kha a chawi a, club lamah Serie A nomawi paruk bakah Italian Cup leh UEFA Cup pali ve ve a chawi tawh bawk a ni.