Neymar-a'n Ligue 1 a zirchian a ngai - Emery

Paris Saint-Germain manger Unai Emery chuan khawvel player manto ber Neymar chuan French Ligue 1 a zirchian a ngaih thu a sawi a, a player thar hian PSG bakah referee-te chetphung pawh a hriatthiam thuai a beisei thu a sawi.

Kum 25 mi Neymar hian Marseille nen 2-2 a an inhnehtawk ṭumin goal khat khung mah se yellow card vawi hnih hmuh vangin hnawhchhuah a ni a, match khat khel thei lo tura hrem a nih avangin zanin dar 12:15-a Nice an mikhual hunah a inlan ve thei lo ang.

PSG manager Emery chuan, "Neymar hian Ligue 1, kan team leh referee te chet ṭhin dan a zir chian a ngai, mi fing tak a nih avangin rei lote chhungin a hriatthiam ngei pawh ka beisei," tiin a sawi.