Basil-a'n Aizawl champion pui

Mizoram Tennis Association leh Mizoram State Sports Council buatsaih Zothan Autoworks Inter District Tennis Tournament 2017 chu nimin khan khelh zawh a ni a, Aizawl District an champion.

Aizawl Tennis Club-a final khelhah Champhai A team leh Aizawl A team an inhmachhawn a, Champhai lamin singles match khat an lak hnuah Aizawl lamin doubles an la ve thung.

Best of three hmanga Team inelnah Mizoram number 1 Ramengmawia leh Basil Khuma te inhmachhawnin Basil-a hian minute 40 chhungin 6-2, 3-1 a hnehna changin a vawi hnih nan ATC an champion. Set hnihna an khelh laiin Enga hi hliam vangin a khel chhunzawm thei lo.

Nikum khan Aizawl leh Champhai te hi nomawi inchuhin an inkhel tawh bawk a, inelna thlengtu Aizawl District an champion tawh a ni.