India-in New Zealand an ngam

ODI series khelh mekah Nilaini khan India chuan wicket rukin New Zealand an ngam ve leh a, match thum khelh turah 1-1 a inhnehtawk mekin Pathianniah match thumna an khel dawn - he inkhela chak zawk hian ODI series an la tawh ang.

Nilainia inkhelah hian New Zealand an bat hmasa zawk a, over 50-ah run 230 siamin wicket kua an hloh. Kiwis tana run siam hnem ber Henry Nicholls-a run siam zat chu 42 a ni a, series la thei dinhmuna an din ṭumah Black Caps batsman-ten Indian bowler te an ngam lo - Indian bowler zinga vawm ṭha ber Bhuvneshwar Kumar chuan over 10-a vawmah run 45 chiah pein wicket thum a la thei a ni.

India bat hun a thleng a, over 46-ah wicket li chiah hlohin an target an tlin der. Men in Blue tana run siam hnem ber Shikhar Dhawan chuan run 68 ngawt a vaw chhuak a, Dinesh Karthik chuan run 64 siamin a tawp thleng a dam bawk.