Halep hnehin Wozniacki a tlang

Caroline Wozniacki chuan world number 1 Simona Halep hnehin WTA Finals khelh mek­ah semifinal a inhlangkai. Singa­pore-a inkhelah Wozniacki hian Romanian nula lakah hian awlsam tak 6-0, 6-2 in hnehna a chang.

Wozniacki hian a match hmasa zawkah Elina Svitolina a hneh tawh bawk a, Red Group aṭanga semifinal lut thei hmasa ber a ni. Nilaini zan group match dangah Caroline Garcia chuan Svitolina lakah 6-7 (9-7), 6-3, 7-5 in hnehna a chang tawh bawk. Halep, Garcia leh Svitolina te hian semifinal luh beiseina an la nei vek.

Kum 27 mi Wozniacki chuan, "Kan tlan hnem a, ka ball vuak a dikin tun dinhmunah chuan thil engkim hi ka duh danin a kal rih vek niin a lang. A zawna hnehna ka chan theih avangin match hnuhnung berah chuan nuamsa takin ka khel thei tawh dawn a ni," tiin a sawi.