Zverev a inhnukdawk

Germany tennis star chhuak thar Alexander Zverev chu November thlaa khelh tur ATP Next Gen Finals-ah a inlan thei dawn lo. Zverev hian tournament khelh hnem lutuk chu a tan a ṭhat loh thu a sawi.

Kum 20 mi Zverev hi player ṭha zual pariat ten an khelh tur ATP Tour Finals atan pawh a tling tho a, inelna lian zawkah hian tel a duh avangin a vawi khat nana an buatsaih tur ATP Next Gen Finals-ah a inlan dawn ta lo zawk a ni.

Tun season chhunga nomawi panga chawi tawh Zverev chuan, "London-ah inkhelh ka duh a, ka team te nen sawihona kan neih hnuah Milanlama inkhelh loh kan thlang ta zawk a ni, chawlhkar zawna tournament khelh chu taksain a tuar thei a ni," tiin a sawi.

Zverev hi tun dinhmunah world number 4 a ni mek a, tun hnai kum 10 chhungin ATP Tour Finals khel tura in vaw tling thei naupang ber a ni.