Ban hmabak Gerrard?

Aston Villa-in Premier League hnuhnung pasarihah vawi khat chauh an chak a, table-ah 16-naah an awm mek. English manager Steven Gerrard chu ban theih dinhmunah a ding a, Villa hi Tottenham leh PSG manager hlui Mauricio Pochettino nen sawi rik a ni.

Zanin dar 12:00 hian Villa hian Fulham an tlawh dawn a, Gerrard hian Villa Park-a cham a duh a nih chuan point hlawhchhuah ngei a ngai ang. Fulham hian match hnuhnung pathumah chak hmel an hmu lo a, point khat chauh an hmuh avangin team pahnih intum tawk viau tura ngaih a ni.

Zanin dar 12:45 hian Leicester City-in Leeds United an mikhual dawn a, Foxes hi tun season-ah vawi khat chauh an la chak. Hnehna an chan ṭuma che ṭha James Maddison chu hrem vangin a inlan thei dawn lo a, chutihrualin Premier League khelh zel an duh a nih chuan chhuanlam siam a thiang lo.

Zanin Inkhel Tur
Fulham 12:00 AM Aston Villa
Leicester City 12:45 AM Leeds United