FIFA U-17 Women's World Cup Quarterfinal khel tur a hriat kim ta

20th October, 2022

India-in a thlen mek FIFA Under-17 Women's World Cup 2022 chu Thawhlehni zan khan group stage match khelh zawh a ni ta a, match hnuhnung inkhel pahnihah Japan chuan 2-0 a France hnehin, Tanzania leh Canada te 1-1 in an inhnehtawk bawk.

World Cup-ah hian team 16-in inelna hmachhawnin, group paliah, team pali zel awma ṭhen hran an ni a, group tina pakhatna leh pahnihna ṭheuh chu quarterfinal khel tur hian an tling a ni.

India awmna group A ṭangin USA & Brazil, Germany & Nigeria (group B), Colombia & Spain (group C) leh Japan & Tanzania (group D) te an tling a ni - India hian match thumah goal khung an nei lo a, goal 16 an chhuah.