Meizuk vangin Nainggolan an hrem

Royal Antwerp mid-fielder Radja Nainggolan chu technical area-ah e-cigarette a lo zuk avangin club-in chin awm loin an hrem. Belgian midfielder Nainggolan hian Pathianni zana Antwerp -in Standard Liege 3-0 a an hneh loh ṭumin meizial hi a zu a ni.

Inter Milan leh AS Roma player hlui Nainggolan hi khelmual pawnah pawh a nungchang a ṭha lo a, kar liam ta khan driving licence thi tawh chunga lirthei a khalh avangin an man. Antwerp chuan, "Kan inremnaah kan club player-te tih tur leh tih loh tur chiang takin a inziak," tiin Nainggolan chet dan chungah thuchhuah an siam a, an hrem thu an tarlang bawk.

Nainggolan pawhin a tih dik loh a pawm. Belgian midfielder chuan, "Club thutlukna hi mimal takin a na deuhin hre mah ila, ka pawm mai a ṭul. Club tan hian ka theihna zawnah ṭangkai ngei ka tum ang," tiin a sawi a ni.