Omonia-in manager an ban

Cypriot club Omonia Nicosia chuan manager Neil Lennon chu result neih ṭhat tawk loh vangin an ban a, Celtic manager hlui hian Cypriot club hi thla sarih a enkawl hman.

Omonia hian Europa League-ah Manchester United ṭum hnih an hneh lo a, knockout stage luh beiseina a tawp. Cypriot club-in Lennon an ban chhan taka lang erawh league lama an chet ṭhat loh vang a ni.

Omonia Nicosia hian Thawhṭanni khan Nea Salamis 1-0 in an hneh lo a, table-ah pasarihnaah an awm. Club chuan, "Neil Lennon nena kan thawh hona kan titawp tih kan puang. Tun hnaiah kan khelh dan a nghelnghet tawk lo a, point kan hloh tam avangin thutlukna harsa hi siam a ṭul ta a ni," tiin thuchhuah an siam a, Lennon chungah lawmthu an sawi bakah a kal zelna turah duhsakna an hlan bawk.

Kum 51 mi Lennon hian Celtic leh Omonia bakah hian Bolton Wanderers leh Hibernian te a enkawl tawh a, amah hi Manchester City academy chhuak niin a inkhelh hun laiin Leicester City, Celtic leh Nottingham Forest tan te pawh a lo khel tawh a ni.