Messi leh Ronaldo te khumtu Jesus

Manchester City forward Gabriel Jesus chuan Real Madrid leh Barcelona te goal khung khawl Lionel Messi leh Cristiano Ronaldo te aiin goal 50 a khung tling hmasa zawk.

Brazilian forward Jesus hian Champions League-a Napoli 2-1 a an hneh ṭumin senior team-a a goal 50-na hi a khung a, goal hi Palmeiras, City leh Brazil tana a khung belhkhawm a ni.

Jesus hian Palmeiras tan goal 28 a khung a, kum 2016 khan Brazilian championship-ah nomawi a chawi pui a, Brazil tan goal sarih khung tawh bawkin English club tan goal 15 a khung tawh bawk.

City forward Jesus hian goal 50 khung tling turin match 118 a mamawh a, hetihlai hian Messi-a'n goal 50 tlin turin match 124 daih a mamawh thung. Best FIFA Men's Player dawngtu Ronaldo erawhin goal 50 khung turin hun a mamawh tam a, Real Madrid forward hian Sporting Lisbon, Manchester United leh Portugal tan khelin half century siam turin match 221 a mamawh a ni.

Manchester City hian zanin dar 7:30 hian West Brom an lenchilh dawn a, league-ah Pep Guardiola naute an chet ṭhat avangin Baggies tan chuan defensive game khelh a ṭul dawn. Amaherawhchu, City hian League Cup-ah Championship club Wolverhampton Wanderers lakah minute 120 chhungin goal an khung thei lo a, hei hi West Brom tana infuihna ṭha tak a ni ang.