Saina tlak niah Sindhu leh Srikanth a chak

Badminton inelna lian pakhat French Open khelh mekah Olympic silver medalist PV Sindhu chuan quarterfinal a luh laiin World Championship bronze medalist Saina Nehwal erawh a zinkawng a tawp.

Indian nulate dinhmun a inan loh zanah mipa lamah Denmark Open champion Kidambi Srikanth chuan 21-19, 21-17 in Hong Kong tlangval Vincent Wong Wing Ki hnehin last 16 a paltlang a, Srikanth hian kar hmasa Denmark Open lama a hneh tawh hnu lakah hnehna a chang nawn leh a ni.

Hmeichhe singles last 16 inkhelah Sindhu chuan Japanese star Sayaka Takahashi chu 21-14, 21-13 in a hneh a, semifinal lut tur chuan Chen Yufei a paltlang leh a ngai ang. World number 10 Chen Yufei hian kar hmasa khan Sindhu hi a hneh tawh.

World number 1 Saina-i'n world number 5 Akane Yamaguchi lakah huaisen takin attacking game khel mah se minute 39 chhungin 9-21, 21-23 in a chak lo zawkah a ṭang.