La Liga-ah VAR hmang dawn

Royal Spanish Football Federation (RFEF) president ni lailawk lai Juan Luis Larrea chuan season thar aṭangin La Liga-ah Video Assistant Referee (VAR) an hman tur thu a sawi.

VAR hi khawl hmanga inkhel endik theihna pakhat a ni a, penalty pek chungchang, goal leh goal loh bakah red card leh yellow card pek dan chung­chang en let theihna a ni. Tun season

aṭang hian Italian Serie A chuan VAR hi an lo hmang tawh bawk.

La Liga president Javier Tebas-a'n VAR hman chu a senso a tam avangin a la harsat tur thu sawi mah se RFEF lam chuan hman a nih tur thu an sawi chiang.

RFEF president Juan Luis Larrea chuan, "La Liga season thara match hmasa ber aṭangin VAR hman a ni ang, football-ah khawl a rawn inlan ve ṭan a, hei hi kan pawm thiam tur a ni," tiin a sawi.