Mizoram an chak lo

National Sub Junior Championship-ah Mizo­ram chuan vawiin khan an match hmasa berah West Bengal 3-4 in an hneh lo.

Imphal-a inkhelah hian Mizoram tan Ruth Vanlalpeki, Zion Lal­ramnghaki leh Lalremruati ten goal khat ṭheuh khung mah se West Bengal lamin goal li an khung avangin point an hlawh chhuak lo.

Mizoram manager Lalduhsaki chuan, "Kan player paruk zet chu pumna leh khawthalo vangin an buai a, hei vang hian kan ṭhat ber danin kan khel thei lo," tiin damlohna vanga buaina an neih thu a sawi.

Mizoram team hi Solar house neitu Lalremruata chuan off-shirt a tum sak bakah player zawng zawng pawisa a pai vek bawk.

Mizoram group-a awm tur Pondicherry an kal loh avangin October 29 hian West Bengal nen an inkhel nawn leh ang.

Results

Mizoram 3 - 4 West Bengal

MIZ : Ruth Vanlalpeki 25'; Zion Lal­ramnghaki 60'; Lalremruati 90'