Muguruza hnehin Venus a tlang

WTA Finals khel zinga upa ber Venus Wil­­liams chuan Wim­bledon champion Garbine Muguruza lakah straight set-a hnehna changin semifinal a lut.

Singapore-a inkhelah kum 37 mi Venus hian Spain nula hi 7-5, 6-4 in a hneh a, White Group-ah pahnihna a ni a, Karolina Pliskova hnung zuiin knock out round a inhlangkai a ni.

Group match inkhel dangah tling chiang tawh Pliskova chu French Open champion Jelena Ostapenko lakah 6-3, 6-1 in a chak lo. A vawi khat nana WTA Finals kheltu Ostapenko hian match thum a khelhah ṭum khat chiah hnehna a chang.

White Group lamah Ca­roline Wozniacki chuan semifinal a lut tawh bawk a, Simona Halep emaw Caroline Garcia emaw zawkin Wozniacki hnung an la zui thei bawk.