Quarterfinal zat khatna a hmuhnawm nghal

Mahindra Pikup 4x4 LPS Pro Muaythai quarterfinal chu Nilaini zan khan R. Dengṭhuama Indoor Stadium, Mualpuiah khelh ṭan a ni a, kuttum leh ke hmanga inbeihna hi a hmuhnawm hle.

Asian silver medal la tawhtu, Hunthar fighter Joseph Vanlalhruaia'n rei lo te chhungin Reuben Lalrinmawia (Bethlehem Vengthlang) a hneh a. Flyweight semifinal-ah Zomuanpuia (Tuithiang) hnehtu Zemabawk tlangval R. Lalbiaktluanga nen an intawng ang.

Indian kickboxing champion Nazareth Lalṭhazuala'n lightweight semifinal a lut a, round thum khel zo loin amah aia kum 10 zeta upa David Zairemthanga (ITI Veng) a hneh. Kum 20 mi, Zemabawk tlangval hian D3 Haier Fighter of the Night lawmman Rs 1,500 a dawng a ni.

Weight hrang panga zinga pathum - fly, bantam leh light quarterfinal-a tlaten lawmman Rs 3,000 zel an dawng.

Welterweight-a tel zat mi 16 an tlin loh avangin semifinal lut chinin lawmman pawisa fai an dawng dawn a; super middle open huangah tel pali chiah an awm avangin final lut mi pahnih chauhin lawmman pawisa fai an la thei dawn a ni.

October 19, Nilaini
Flyweight
Joseph Vanlalhruaia (Hunthar) bt Reuben Lalrinmawia (Bethlehem VT)
Technical Knockout (Round 1, 1:45 min)
R. Lalbiaktluanga (Zemabawk) bt Zomuanpuia (Tuithiang)
Unanimous Decision (29-26, 28-27, 29-26)
Bantamweight
Eric Biakthianghlima (Ṭhuampui) bt VL Sangzela (Chhingchhip)
Unanimous Decision (30-27, 29-28, 30-27)
Lalruatkima (Falkland) bt S. Malsawmdawnga (Ṭhuampui)
Technical Knockout (Round 2)
Lightweight
Nazareth Lalṭhazuala (Zemabawk) bt David Zairemthanga (ITI Veng)
Technical Knockout (Round 3, 2:48 min)
Welterweight
Isaac Lalchhuanmawia (Chanmari) bt RC Rohlupuia (Dinthar)
Unanimous Decision (29-27, 29-27, 29-26)
D3 Haier Fighter of the Night: Nazareth Lalṭhazuala (Zemabawk)

October 21, Zirtawpni - Bout 5
Flyweight
TZ Munga (Myanmar) vs Benjamin Zonunsanga (Luangmual)
Bantamweight
Isak Lalruatfela (Bethlehem VT) vs TC Lalrinawma (Ṭhuampui)
Lightweight
Lalrohlua (Dinthar) vs Ngursaimawia (Luangmual)
Welterweight
Zarmawia (Chite Veng) vs Vanlalchhuanga (Dawrpui Vengthar)
Muanpuia (East Phaileng) vs Lalchhuanmawia (Republic VT)