Chennaiyin khelmualah FC Goa

Tun season ISL-a match khat chiah la khel FC Goa chuan zanin dar 7:30 hian match hnih khelh tawha tlawm la nei lo Chennaiyin an lenchilh dawn a, inkhel hmuhnawm a beisei ngam.

Chennaiyin hian an match hmasa berah team ṭha ATK Mohun Bagan chu 2-1 in an hneh a, match hnihnaah 1-1 in Bengaluru an inhnehtawkpui - Goa tan a awlsam lo ang.

Goan club hian an match hmasa berah 2-1 in East Bengal an hneh thung a, zanin hi match hnih an khelh vena tur chiah a ni - Goa hian Mizoram player HP Lalremruata leh Ayush Chhetri an kawl a, Aizawl FC midfielder hlui Ayush hi East Bengal lakah bench aṭangin a lut.

Mizo player langsar tak tak kawl ṭhin Chennaiyin hian tun season-ah Mizo player kawl an nei lo. Nizan khan NorthEast United leh East Bengal inkhelin result kan hre hman lo.

Zanin Inkhel Tur
Chennaiyin 7:30 PM FC Goa