Sri Lanka leh Netherlands an tling

T20 World Cup 2022-ah Sri Lanka-in Netherlands an hneh a, Super 12 an lut. Netherlands an vannei a, UAE lakah Namibia an tlawm avangin round sang zawk an lut ve bawk.

Nimin inkhel pawimawh takah Sri Lanka-in bat hmasak an thlang a, Kusal Mendis-a'n 79 runs a siam zarah 162/6 runs an siam. Netherlands tan Max O'Dowd-a'n thi loin 71 runs siam mah se team angin 146/9 runs an siam a, Lions-in 16 runs-in hnehna an chang.

Namibia tan Super 12-a lut turin chak la nei lo UAE laka chak a tawk a, hnehna chang turin 149 runs siam a ngai. Namibia hian bul ṭan ṭha lo mah se David Wiese-a'n 55 runs a siam zarah chak beiseinate nei hman. A tawpah erawh Namibia 141 runs an siam a, run sarihin an chak lo.