Sudama Cup-ah Thangliana a champion

6th Sudama Veteran Badminton Tournament-ah Mizoram Police BC player Lalthangliana chu 50+ singles-ah a cham­pion. Nimina Chan­digarh a neih zawh tak inelnaah hian MPBC player Lal­muan­awma chu 35+ singles-ah pahnihna a ni bawk.

Thangliana hian final-ah seeded pakhatna Ram Lakhan chu 20-22, 21-14, 21-16 in a hneh. Muanawma hian final-ah Abinsiam Gupta chu 16-21, 18-21 in a hneh lo. Abinsiam hi Olympic-a India aiawh tawh a nih bakah national champion vawi li ni tawh a ni.

Sudama Cup hi Chan­digarh-ah October 26-29 chhung khan Badminton Asso­ciation of India (BAI) hriat­­puina hnuaia khelh a ni.