Sindhu zinkawng a tawp

Badminton inelna French Open Super Series-ah PV Sindhu chu final lut zo loin a tla. Rio Olympic silver medalist Sindhu hi minute 37 chhungin Japan nula Akane Yamaguchi lakah 21-14, 21-9 in a chak lo a ni.

Mipa singles lamah Indian shuttler pahnihte semifinal-ah an intawng a, tun hnaia player hmuhnawm tak Kidambi Srikanth chuan darkar khat leh minute hnih chhungin HS Prannoy chu 14-21, 21-19, 21-18 a hnehin final a lut a, Kenta Nishimoto nen nomawi inchuhin an inkhel zui leh nghal. He thu buatsaih lai hian result kan hre hman lo.