Mizo tan gold?

2nd Elite Men's Na­tio­­nal Boxing Cham­pion­ship, Visakhapat­nam-a neihah Mizo boxer pathum NT Lalbiakkima, Laldinmawia leh John­kenty Vanlalhlimpuia ten final an lut vek a, nizan inhnek result kan hre hman lo.

Pathianni khan light flyweight-ah Sia­ha tlangval NT Lal­biakkima chuan har­satna nei loin Jammu & Kashmir boxer Pardeep Sharma a hneh a, final-ah Railways (RSPB) mi K Shyam Kumar nen an inhmachhawn.

Flyweight-ah Tuipui tlangval Laldinmawia chu Assam boxer Chandan Das nen an intum tawk a, a tawpah erawh Mizo tlangval a ding chang. Dinmawia hian final-ah Haryana boxer Vinod Tanwar a hneh ang.

Middleweight-ah John­kenty Vanhlimpuia chuan Meghalaya boxer Anup Chhetri a hneh a, Tuipui tlangval hian a knockout teuh viau a, Anup hi a tawrhchhel zarah a tawp thlengin a ding. Johnkenty hian Railways (RSPB) mi Mandeep Jangra nen gold medal an inchuh ang.

Kumin inelnaah hian state ang zawng chuan Mizoram leh Haryana aia final lut hnem an awm lo. Final-a boxer panga leh pali thawhtu Services leh Railways erawh an pha lo thung. Mizoram team hi AIBA Star 1 leh NIS coach pahnih C. Vanlalchhuanga leh R. Lalchhuanawma (Sete-a) ten an hruai a ni.