Mizoram hmeichhe team an tla

National Sub Junior Championship for Girls-ah Mizoram chuan an match hmasa berah West Bengal 3-4 in an hneh lo a, anni nen vek hian Pathianni tlaia goal awm loa an inhnehtawk leh avangin quarter final an thleng pha lo.

Mizoram awmna group-a awm tur Pondi­cherry chu an inlan loh avangin West Bengal nen vawi hnih an inkhel a, aggregate-ah 4-3 in an chak lo. West Bengal hi group hmahruaitu ni chungin quarterfinal an lut.

Inelnaah hian team 21 chu group pasarihah ṭhen darh an ni a, group hmahruaitu bakah pa­hnihna zinga tiṭha ber chauh tan knockout stage hi a luh theih. Mizoram awmna group-a team nem ber tura ngaih Pondicherry an inlan loh avangin Mizoram tan pahnihna zinga tiṭha ber nih ngaihna a awm lo.