Napoli an sang zel

Serie A hmahruaitu Napoli chuan Sassuolo lakah 3-1 a hnehna changin hneh loh nei loin season an hmang tluang zel. Napoli tan hian Marques Loureiro, Dries Mertens leh Jose Callejon ten goal khat ṭheuh an khung.

Maurizio Sarri nau-te hi league match 10 khelhah vawi kua an chak a, ṭum khat chu an khingpuite nen an inhnehtawk - point 31 an hmu tawh. Nilaini zanah Champions League group match khel turin Premier League hmahruaitu Manchester City an mikhual ang.

Pathianni zan inkhel dangah Lazio chuan Benevento lakah 5-1 in hnehna an chang a, Lazio tan hian Manchester United winger hlui Nani pawhin hun tawp dawnah an goal ngana a khung ve a ni.