Brisbane lamah Muguruza

Season tawp a hnai a, tennis player ṭhenkhat chuan kum bul an ṭanna tur an ti chiang leh tawh. Wimbledon hmeichhe singles champion Garbine Muguruza leh Sloane Stephens te chu January thlaa khelh tur Brisbane International-ah an inlan dawn.

Spain nula Muguruza hian Grand Slam pahnih a chawi tawh a, kumin September thla khan world ranking-ah pakhat-na dinhmun luahin 2017 WTA Player of the Year atan thlan a ni bawk.

Australian Open inbuatsaih nana an hman ṭhin Brisbane-ah hian mipa world number 1 Rafael Nadal leh number 3 Andy Murray te pawhin an inlan tur thu an sawi tawh.