Climbing-ah Mizoram pakhatna

19th Indian Mountain-eering Foundation North East Zonal Sports Climbing Competition 2017-ah Mizoram team chuan gold paruk, silver panga leh bronze pasarih lain, a pumpuiah point 35 hmuin North East Team champion an ni.

Inelna hi October 26-29 khan Dasharath Dev Sports Complex, Agartala,Tripura-ah neih a ni a, Mizoram team hi Vanlalliana, Adventure Promotion Officer (APO) leh Lalhmachhuana, Adventure Organiser ten an hruai a. Mizoram aṭangin official duty turin Lalruatkima, route setter leh K. Bijita Devi, judge te an kal bawk a ni.

Mizoram aiawha medal la zing aṭang hian National Sport Climbing Competition-a North East Zone Sport Climbing Team aiawh tur thlan chhuah an ni leh ang a. Thlanchhuah te chuan kumin kum tawp hian National Competition, Madhya Pradesh-ah an hmachhawn leh dawn a ni. 

Mizoram medal lak dan
GOLD
Thelma Laldinthari Sub Jr Girls Lead
Lallawmawmi Sub Jr Girls Bouldering & Speed
Prem Kumar Layak Sub Jr Boys Lead & Bouldering
K.Lalrammawia Jr Boys Lead
SILVER
Lallawmawmi Sub Jr Girls Lead
Thelma Laldinthari Sub Jr Girls Bouldering
Hailey C. Ramdingliani Sub Jr Girls Speed
Prem Kumar Layak Sub Jr Boys Speed
K.Lalrammawia Jr Boys Speed
BRONZE
Hailey C. Ramdingliani Sub Jr Girls Lead
Rualchhingi Sub Jr Girls Bouldering
Joseph R. Lalruatdika Sub Jr Boys Lead & Bouldering
F. Ramdinmawia Jr Boys Speed & Lead
Zoramthanga Mens Open Lead