FIFA U17 Women's World Cup

India rama khelh mek, FIFA Under-17 Women's World Cup 2022 quarterfinal chu nimin aṭang khan khelh ṭan a ni a, match hmasa zawka USA leh Nigeria inkhel tur chu ruah sur vangin tihkhawtlai a ni a, he thu buatsaih a nih lai hian result kan hre hman lo. Nizana Germany leh Brazil inkhel result kan hre hman lo.

Women's U17 World Cup quarterfinal hi vawiinah khelh chhunzawm a ni dawn a, tlai dar 4:30-ah Colombia leh Tanzania inhmachhawnin, Japan-in zanin dar 8:00-ah Spain an hmachhawn dawn bawk.

Nizan quarterfinal match hnih hi DY Patil Stadium, Navi Mumbai-ah khelh a ni a, vawiina khelh tur quarterfinal hi Jawaharlal Nehru Stadium, Margao, Goa-ah khelh a ni ang. - inkhel hi Sports18 channel-ah live-a en theih a ni dawn a, online-in Voot app leh Jio TV app-ah en theih a ni bawk ang.

Quarterfinal Fixtures
October 21, Zirtawpni
United States 4:30 PM Nigeria
Germany 8:00 PM Brazil
October 22, Inrinni
Colombia 4:30 PM Tanzania
Japan 8:00 PM Spain