Champion lai Windies an tla

T20 Cricket World Cup aṭangin champion lai leh champion ngun ber West Indies an tla a, an hneh loh hi Ireland a nih avangin mualpho tlakin an tla.

Group B team pali Windies, Ireland, Scotland leh Zimbabwe ten match hnih an khelh zawhah vawi khat ṭheuh an chak a, hemi a nih avang hian group match hnuhnung ber hi knockout anga ngaih theih a ni.

Bellerive Oval-ah Windies-in bat hmasak an thlang a, Brandon King-a'n thi loin 62 runs siam mah se thlawptu ṭha a neih loh avangin 146/5 runs chauh an siam. Ireland tan top order pathum Paul Stirling (66*), captain Andre Balbirinie (37) leh Lorcan Tucker (45*) te an che ṭha a, over 17.3 lekah 17.3 runs an siam.

Inkhel hnuhnung zawkah Scotland-in an bat hmasa a, 132/6 chauh an vaw chhuak. Zimbabwe tan target harsa a ni lo a, captain Craig Ervine (58) chet ṭhat zarah 133/5 runs siamin wicket ngain an chak.