Mizoramin silver 3 dawng

2nd Elite Men's National Boxing Cham­­pionship, Visakhapatnam-a neih zawh takah Mizo boxer pathum NT Lal­biak­­kima, Laldinmawia leh Johnkenty Van­­lal­hlimpuia te chuan silver medal an dawng.

Thawhṭanni tlai final-ah Siaha tlang­val NT Lalbiakkima chu K Shyam Kumar (RSPB) lakah a vanduai nghal. Light Fly (49kg) final-ah hian Biakkima hi a che ṭha a, best challenger trophy hial dawng mah se judge thutlukna hmangin gold a dawng pha lo.

Fly (52kg)-ah Tuipui tlangval Laldin­mawia chu Salman Shekh (RSPB) lakah a chak lo a, Middle (75kg)-ah Tuipui tlang­val tho Johnkenty Vanhlimpuia'n international level thlenga tawnhriat hriat nei ṭha Mandeep Jangra (RSPB) chu a hneh lo.

Mizoram aiawh hian Mizoram Boxing Association (MIZBA) chuan boxer pariat an tir a, silver dawng thei boxer pathum bakah hian Zonuntluanga (56 kg, Dinthar), Vanlalhriatkima (60 kg, Chaltlang), Vanlalawmpuia (64 kg, Khuangthing), Anthony Lalduhawma (69 kg, Govt. Complex), leh H. Lalrinhlua (81 kg, Hnahthial) ten Mizoram ai an awh.

Mizoram team hi AIBA Star 1 leh NIS coach pahnih C. Vanlalchhuanga leh R. Lalchhuanawma (Sete-a) bakah SYS coach Vulṭhavunga ten an hruai a ni.