Woods-a'n inkhelh leh a tum

Golf legend Tiger Woods chuan November thla tawp lama khelh tur Hero World Challenge-ah inlan a tum. American golfer hi tun hnaiah a hnungzâng zai a ni fo a, a hliam vang hian inelna a hmachawn theih a beisei tawh loh thu pawh a sawi hial tawh a ni.

Major title 14 ngawt la tawhtu Woods hi hliam vangin thla kua ngawt a chawl tawh a, tun hnai kum thum chhungin vawi li ngawt a hnungzâng zai a ni - Woods hian kum 2008 hnu lamah major title a la dawng leh lo.

PGA Tour zinga pakhat Hero World Challenge hi November 30 aṭanga December 3 chhunga khelh tur a ni a, khawvel golfer ṭha pali Dustin Johnson, Jordan Spieth, Hideki Matsuyama leh Justin Thomas te bakah Justin Rose leh Tommy Fleetwood te pawh inlan tura beisei an ni.