UFC lightweight champion Islam Makhachev

UFC 280-in lal thar a hmu a, a hming chu Islam Makhachev a ni - Makhachev hian Brazilian fighter lar Charles Oliveira chu Inrinni zan khan round hnihnaah submission hmangin a hneh a, lawm takin UFC lightweight kawnghren a hreng.

Kum 31 mi fighter-in a zawnin vawi 11 hnehna a channa chiah a ni a, a lawm ber zingah mi tam takin MMA fighter ropui bera an ngaih, champion hlui leh a coach ni bawk Khabib Nurmagomedov a tel.

Abu Dhabi khawpuia hnehna changtu Makhachev chuan, "Abu Dhabi, ka lawm e. He hun thleng tur hian ka bei nasa em em a, he hun atan hian ka nun zawng zawng ka hlan a ni," a ti a, a hlim hle.

Russian fighter hian vawi 24 fight a hmachhawnah vawi 23 hnehna changin, vawi khat chiah a la tlawm a, a hnehna chan chu Khabib-a pa Abdulmanap Nurmagomedov tan a hlan.

Makhachev chuan, "He kawnghren hi ka coach Abdul-manap Nurmagomedov tan a ni. Kum tam liam taah khan champion ka nih tur thu min hrilh a, he kawnghren hi a tan ka hlan a ni," a ti a, a hun ṭantira amah ringtu a theihnghilh lo.