FIFA Under-17 Women's World Cup Semifinal khel tur a hriat ta

FIFA Under-17 Women's World Cup quarterfinal chu Inrinni khan khelh zawh a ni ta a, Nigeria, Germany, Colombia leh Spain ten an khingpui ṭheuh hnehin, semifinal an lut.

Quarterfinal match hmasa berah Nigeria tan Omamuzo Edafe chuan goal hmahruai khung mah se USA-in Amalia Villareal hmangin an sut a, 1-1 a an inhnehtawk hnuah penalty hmangin Nigeria chu 4-3 in an chak.

Zirtawpni zana quarterfinal match hnihnaah Germany-in 2-0 in Brazil an hneh a, Marie Steiner leh Melina Krüger ten goal khat ve ve an khung. Colombia chuan 3-0 in Tanzania an hneh a, senior team tan hiala inlan phak Linda Caicedo, Yésica Muñoz leh Gabriela Rodríguez ten goal khat ṭheuh an khung.

Japan-in Momoko Tanikawa hmangin goal hmahruai khung mah se Spain tan Barcelona attacking midfielder Vicky López chuan minute 87-na leh 90+3-ah goal a khung a, 2-1 in a team a chakpui daih.

Quarterfinal
October 21, Zirtawpni Zan
USA 1 - 1 Nigeria
USA: Amalia Villareal 40'
NIG: Omamuzo Edafe 27' (P)
*Penalty hmangin 4-3 in Nigeria an chak

Germany 2 - 0 Brazil
GER: Marie Steiner 23'; Melina Krüger 90+5'

October 22, Inrinni Zan
Colombia 3 - 0 Tanzania
COL: Linda Caicedo 3'; Yésica Muñoz 17'; Gabriela Rodríguez 36' (P)

Japan 1 - 2 Spain
JAP: Momoko Tanikawa 66'
SPA: Vicky López 87', 90+3'

Semifinal
October 26, Nilaini Zan
Nigeria 4:30 PM Colombia
Germany 8:00 PM Spain