Sakkari hnehin Pegula a champion

Jessica Pegula chuan Pathianni zan khan Maria Sakkari chu 6-2, 6-3 a hnehin Guadalajara Open nomawi a chawi a, a tan chuan WTA 1000 title hmasa ber a ni nghal bawk - Grand Slam dawta inelna lian a nih avangin a ngaihlu hle.

Seeded pathumna Pegula hian season a hmang ṭha, final kalkawngah pawh hian Grand Slam champion tawh player pali - Victoria Azarenka, Sloane Stephens, Bianca Andreescu leh Elena Rybakina te a hneh. Sakkari hneh tur pawh hian darkar khat leh minute 10 chauh a mamawh.

Pegula chuan, "Ka kalkawng en chuan tun dinhmun ka thlen hi a rinawm loh hle. Mahse, beiseina nena kan inkhel a nih chuan kawng hi a lo inhawng ve mai ṭhin," tiin a sawi.

Tun season kal laiah Pegula hian match 41 zet hnehna a chang tawh a, tun kara world ranking chhuak tharah chuan pathumna a ni ang. A thiam zual pariat inelna WTA Finals-ah pawh a hmel kan hmu dawn.