World Cup 2022 ; Van de Beek tan hmun a awm lo

World Cup a hnai tial tial a, champion beisei zinga mi Netherlands chuan provisional squad atana player 39 hming an puang a, an zingah Manchester United midfielder Donny van de Beek a tel ve lo.

Kum 25 mi Van de Beek hi March 2021 hnuah ram tan a inlan leh tawh lo a, tun season-ah United tan match thum chauh a la khelh bawk avangin Netherlands coach Louis van Gaal-a'n World Cup-a ram aiawh tur chiah a ruat lo niin a lang.

Hetihlai hian Bayern Munich midfielder Ryan Gravenberch chu Netherlands squad-ah telh a ni a, kum 20 mi midfielder hian German champion tan khel tam tawk lo mah se LVG-a'n World Cup khel turin beiseina a la siamsak.

Premier League player zingah Liverpool rinrawl Virgil van Dijk, Manchester City defender Nathan Ake, Newcastle United centre back Sven Botman, Leeds United player Pascal Struijk leh Manchester United full back Tyrell Malacia te chu koh an ni.

Botman hi thla hmasa lawka Netherlands Under-21 kohna hnar a, club-a rilru sen a duh thu sawitu kha a ni a, mahse, LVG-a'n a duhsak lo phah chuang lo.

PSV Eindhoven rawlthar duhawm Xavi Simons pawh squad-ah telh a ni a, kum 19 mi forward hian tun season-ah match 18 khelin, goal 10 leh assist vawi li a nei der tawh a, a zahpuiawm lo hle.

Brighton defender Joel Veltman chu koh zingah a tel lo - Euro 2020 hnuah khan kum 30 mi defender hi ram tan koh a ni leh tawh lo a, Netherlands tana vawi 28 inlan hman defender hian van Van Gaal-a lung a len lo.

World Cup provisional squad-ah hian player 35-55 inkar an ni tur a ni a, goalkeeper pali an awm ngei a ngai bawk - October 21 thleng khan provisional squad hi thehluh theih a ni.

Provisional squad hi ram tam zawk chuan boruak dangin team a chiahpiah loh nan puan zar loh an duh zawk a, Netherlands erawhin mipui hriat turin an puangzar - player 26 awmna final squad chu November 14 thleng thehluh theih a ni bawk a, November 15-ah final squad hi puan a ni ang.

Netherlands hi World Cup 2014-a pathumna an nih hnuah, major tournament-ah an ropui lo hle - Euro 2016 leh World Cup 2018 an inpetkai zo lo a, Euro 2020-ah khan Round of 16 aṭangin an tla bawk.

Netherlands Provisional Squad
Goalkeepers: Justin Bijlow (Feyenoord), Jasper Cillessen (NEC Nijmengen), Mark Flekken (SC Freiburg), Andries Noppert (Heerenveen), Remko Pasveer (Ajax)

Defenders: Nathan Ake (Manchester City), Mitchel Bakker (Bayer Leverkusen), Daley Blind (Ajax), Sven Botman (Newcastle United), Matthijs de Ligt (Bayern Munich), Stefan de Vrij, Denzel Dumfries (both Inter Milan), Jeremie Frimpong (Bayer Leverkusen), Tyrell Malacia (Manchester United), Devyne Rensch (Ajax Amsterdam), Pascal Struijk (Leeds United), Jurrien Timber (Ajax), Micky van de Ven (Wolfsburg), Virgil van Dijk (Liverpool)

Midfieders: Steven Berghuis (Ajax), Jordy Clasie (AZ Alkmaar), Frenkie de Jong (Barcelona), Marten de Roon (Atalanta), Ryan Gravenberch (Bayern Munich), Davy Klaassen (Ajax Amsterdam), Teun Koopmeiners (Atalanta), Xavi Simons (PSV Eindhoven), Kenneth Taylor (Ajax Amsterdam), Guus Til (PSV Eindhoven)

Forwards: Steven Bergwijn, Brian Brobbey (both Ajax), Luuk de Jong (PSV Eindhoven), Arnaut Danjuma (Villarreal), Memphis Depay (Barcelona), Cody Gakpo (PSV Eindhoven), Vincent Janssen (Royal Antwerp), Noa Lang (Club Bruges), Donyell Malen (Borussia Dortmund), Wout Weghorst (Besiktas)