FIFA U-17 Women's World Cup Vawiinah semifinal khel dawn

India rama khelh mek, FIFA U-17 Women's World Cup 2022 hmawr bawk a hnai ta a, semifinal match hnih chu zaninah khelh zawh a ni dawn.

Tlai dar 4:30-ah Nigeria leh Colombia ten match hmasa zawk an khel ang a, zan dar 8:00-ah Germany leh Spain ten final luh an inchuh ve leh dawn bawk a ni.

Nigeria-in player langsar tia sawi vul chuk tur an nei lo a, Colombia tan erawh tun inelnaa goal li khunga top scorer ni mek Linda Caicedo chu innghahna tur a ni ang - kum 17 mi forward hi senior national team tan match 15 a khel tawh a, goal li a khung tawh!

Germany tan goal thum khung tawh Loreen Bender chu innghahna tur a ni a, Spain lamah Barcelona attacking midfielder Vicky Lopez chu langsar leh tura ngaih a ni.

October 26, Nilaini Zan
Nigeria 4:30 PM Colombia
Germany 8:00 PM Spain