Number 1 Alcaraz a chak

Mipa tennis world number 1 Carlos Alcaraz chuan set a hloh hmasak hnuah Jack Draper a hneh a, harsa angreng takin Swiss Indoors-a match hmasa berah hnehna a chang hram.

Kum 19 mi Alcaraz hian Draper hi a vawi khat hmachhawnna a ni a, a tir lamah a talbuai deuh. Mahse, a rei hnuah insiamṭhain 3-6, 6-2, 7-5 in hnehna a chang, world number 45 Draper tan chuan a la ṭha hret.

Spanish star Alcaraz-a'n a match lehpekah chuan Botic van de Zandschulp leh Adrian Mannarino te inkhela chak zawk a hmachhawn leh ang. A chesual viau a nih loh chuan Basel khawpuia inelnaah hian a champion a rinawm.

Swiss Indoors-ah hian Andy Murray pawh a inlan dawn. Vawi 10 zet champion tawh Roger Federer chuan tennis a chawlhsan tawh, legend Federer chawlh hnua inelna an neih lehna hmasa ber a ni.