Gold medal nen Humhimi a lo haw

National Games 2022 neih zawh taka Mizoram tana gold medal latu - Lalhumhimi Pachuau chu nimin khan Mizoramah a lo haw. Mizoram Judo Association bakah a chenna Zemabawk North Local Council leh, tlawmngai pawl hrang hrang huaihawta lo lawm a ni.

Lalhumhimi hian Judo (-52kg) huangah gold medal a la a, India ram pum huap inelna neih zawk takah khan Mizoram tana gold medal la thei awmchhun a ni hial.

Tun hmain Humhimi hian judo senior national-ah gold medal leh bronze medal pathum a la tawh.

National Games hma hian All India Police Meet-ah pawh pathumna dinhmun a lo luah tawh bawk. National Games bik erawh a khelh vawi khatna niin, a hlawhtling nghal a ni.