South Africa an vanduai

T20 Cricket World Cup-ah Thawhṭanni khan Zimbabwe leh South Africa te Blundstone Arena-ah an inkhel a, ruahsur vangin an khel zo thei lo. Team pahnihin point khat ve ve an hmu a, Proteas-in point khat an chânah a ngaih theih.

Ruahsur vangin over kua chauh khelh turin thutlukna siam a ni a, Wesley Madhevere-a'n ball 18 leka 35 runs a siam zarah Zimbabwe hian 79 runs an siam.

South Africa tan Quiton de Kock a che ropui a, ball 18 lekah 47 runs a siam hman. Ruahsur vangin inkhelh hun chu over sarihah pawh tawi leh a ni a, target pawh 64-ah tihhniam a ni.

Amaherawhchu ruahsur vang bawkin an khel chhunzawm thei lo a, Proteas hian over thum lekah 51 runs an siam hman a, over li la awmah 14 runs lek siam ngai mah se inkhelh zawh theih a ni ta lo.

Super 12-ah hian team ruk an awm a, team hnih chauhin semifinal an luh dawn avangin South Africa tan team nem zawk laka point khat hloh hi a la pawi thei ang.