Solo Nqweni-a'n Covid-19 a vei

South African allrounder Solo Nqweni chuan coronavirus a vei tih twitter-ah a ziak a, kum 26 mi cricketer hi nikum July thla aṭang khan Guillan-Barre syndrome vangin a buai tel bawk.

Nqweni agent Rob Humphries chuan a dam leh thuai a beisei thu a sawi a, cricketer zinga Covid-19 vei pathumna niin Pakistan player Zafar Sarfraz leh Scotland player Majid Haq ten an kai tawh. Nikum khan Nqweni hi Guillan-Barre syndrome vangin kar li chhung ni khaw hre loin a awm a, a chuapin a hnathawh tur ang a thawh theih nan khawl hman a ngai hial.

Nikum October thlaah Nqweni hi a rawn ṭawng leh thei chauh a, January thla khan Johannesburg-ah damdawi inah inenkawl turin an dah. February thla khan South African national team-in Nqweni puih nan hian cheng nuai 20 vel an thawhkhawm.

Nqweni hian kum 2012 khan South Africa Under 19 tan a khel a, Eastern Province leh Warriors franchise tan khel zuiin senior team-ah erawh a inlan pha lo. Nikum April khan three-day provincial cup final-ah Eastern Province tan pasarihnaa lut chungin run 95 ngawt a siam.