MBA leh Yonex thawk dun

Hrangbana Memorial Mizoram Badminton Lea­­gue vawi thumna chu November 13 khian Electric Veng Hall-ah khelh a ni dawn a, inelnaa hman tur Yonex bungrua cheng nuai 1.2 man hu a rawn thleng tawh.

Mizoram chhunga bad­minton thuneitu sang ber Mizoram Bad­minton Association leh badminton bungrua siamtu lar Yonex te hian kum thum chhung (2017-2019) atan inremna an ziak a. Yonex hian MBL a hman tur bungrua an rawn tum bakah Mi­zoram aiawha kal ṭhin te bungrua ṭul ang a tum ṭhin bawk a ni.

MBL3-ah hian Yonex kut chhuak hman a ni dawn a, inelna hi No­vem­ber 24-ah khelh zawh tura ruahman a ni. Tun ṭum­­ah hian team pariat Chanmari Evening Stars, Hlimen Shuttlers, Kanan, Mission Veng, Tuikual Shuttlers, Zotlang, Cham­phai Ralte Villa BC leh Southern Acers Saiha te an inel ang.