Indian badminton-in hma a sawn - Srikanth

A zawna Super Series titles pahnih la thei badminton star Kidambi Srikanth chuan tun hnaiah Indian badminton chuan nasa taka hma a sawn thu a sawi a, hun lo kal zel turah ram dang tana chung en theih an nih a rin thu a sawi.

Kum 24 mi Srikanth hian kuminah Super Series titles pali a la tawh a, Indian shuttler zingah record nei ṭha ber a ni. Saina Nehwal chuan kum khat chhungin Super Series titles a lo lak tawh chu Srikanth hian a rawn khum a ni.

Srikanth chuan, "Asian ram ṭhenkhatin badminton vangin khawvel hriat an hlawh a, tunah chuan India pawhin an dinhmun ang chu a tawng chho ve mek a ni. Hmun hma kan nei ṭha zel a, coach ṭha kan nei bawk. Player tinin rim taka kan beih phawt chuan hmalam kan pan zel ang," tiin a sawi.

Malaysian shuttler Lee Chong Wei bakah Chinese legend Lin Dan leh Chen Long ten hun rei tak chhung chu mipa singles an thunun hneh hle a, tun hnaiah erawh world number 2 Srikanth leh world number 1 ni thei Viktor Axelsen te hming sawi hmaih theih a ni tawh bik lo.