Vawiinah boxer inbuk

Tukin zing dar 7:00 aṭang hian Gionee LPS Pro Fight-a tel tum boxer-te chu Hawla Indoor Stadium, Republic Vengthlangah inbuk tur a ni. Inelna hi a vawi sarihna tur a ni a, tun ṭumah hian boxer 300 vel an inlan dawn.

Pro Fight hi November 7 aṭangin Ramhlun Boxing Hall-ah ṭan a ni dawn a, a tir aṭanga round of 16 thlengin round thum zel an inhnek dawn, round tin hi minute thum zel a ni ang. Quarterfinal aṭanga Title Fight thlengin R. Dengṭhuama Indoor Stadium, Mualpuiah khelh chhunzawm a ni ang a, round khat minute thum zel round nga an inbei ve thung dawn a ni.

Tun ṭumah hian mipa weight awm sa pangaah title an inchuh dawn a, hmeichhe inelna telh a ni lo ang. Mahse, Mizo hmeichhe boxer-te tan inphochhuahna hun siam a ni dawn a, Gionee LPS Pro Fight hian thla khat leh a chanve vel a awh tura ngaih a ni.